Wednesday 16 September 2009

නඩරාජාට මෙන්ම තිස්සට ද වැරදුනි



තිස්සට පුවත්පත් කලාව හැර වෙනත් වෘත්තියක් තෝරාගැනීමට හා ගෞරවාන්විතව රට හැර යාමට අවශ්‍ය උසස්ම සුදුසුකම් තිබුනි. එහෙත් තිස්ස තෝරාගත්තේ ඔහු ඉදිරියේ තිබූ දුෂ්කරම මාවතයි. සරුංගලය චිත්‍රපටයේ නඩරාජා මෙන් ඔහු තමාගේ වෘත්තීය හිතවතුන් සමඟ ජීවත් වීම මැනවයි සිතන්නට ඇත. එහෙත් නඩරාජාට මෙන්ම තිස්සටද වැරදුනි.

සිංහලයන්ට සිංහලකමට ලෙංගතු වීමට ඇති අයිතිය තමාගේ දෙමලකමටත් ලැබේ යයි ඔහු සිතන්නට ඇත. ඔහු සමඟ එකම ආයතනයක වැඩ කරද්දී විවෘතව හෘදය සාක්ෂියට එකඟව වැඩ කිරීමට ඇති කැමැත්ත මැනැවින් ප්‍රදර්ශනය විය. සරුංගලේ චිත්‍රපටයේ නඩරජාට මෙන් තිස්සට ද තමා අවට ඇති භයංකාරත්වයේ තරම ගැන එදා ඔහුට වැටහීමක් තිබුනේ නැත. වසර 15 කින් පමණ මුණනොගැසුණු මගේ මිතුරාට අදද ඒ වැටහීම ලැබී නැත යන්න ඔහුට අත්වූ විපත්තියෙන් පෙනේ.
-------------------------------------------

තිස්ස පිලිබඳ ඔහුගේ මිතුරන් හා ඇසුරු කළවුන් දන්නා දෙය ඔහුට දඬුවම් කළ උදවිය දන්නේ නැත. තිස්ස කොළඹ විශ්ව විද්‍යාලයෙන් අධ්‍යාපනය ලබා, සිංහල දැන උගත් සමාජය ඇසුරු කල තරුණ බුද්ධිමතෙකි.ඔහුට හොඳින් සිංහලත් දෙමලත් ඉංග්‍රීසිත් හැසිරවිය හැකිව තිබිණ. 1987-94 කාලයේ ඔහු අප සමග එකට මාර්ග ආයතනයේ තරුණ පර්යේෂකයන් ලෙස සේවය කලෙමු. මා දන්නා තිස්ස නම් අපමණ දැනුම් පිපාසයකින් පෙලුනු, පුළුල් ගවේශනශීලි මනසක් සහිත සමාජ සංවේදී මිනිසෙකි. එල්. ටී. ටී. ඊ ය හා ජනතා විමුක්ති පෙරමුණද ඇතුලු සන්නද්ද ව්‍යාපාර කෙරෙහි ඔහුට තිබුනේ බලවත් විවේචනයකි.
-------------------------------------------------------------

සියල්ල අවසානයේ තිස්සනායගම් සිරගෙට යැවුනි. මඳ කලකට නොව වසර විස්සකටය. පුවත් පලකිරීමේ නිදහස වෙනුවෙන් 1871 දී සිරගෙට යැවුණු පෑලිස් අප්පුහාමිගේ සිට මේ තාක් කල් පුවත්පත් කලාව වෙනුවෙන් ඉහලම වන්දියක් ගෙවුයේ තිස්සනායගම් යැයි ඉතිහාසය යලි යලිත් කාලාන්තරයක් යනතුරුත් අපට මතක් කරදෙනු ඇත. ලසන්ත වික්‍රමතුංග වැනි කිහිප දෙනෙක් තම ජීවිතයෙන් වන්දිගෙව්වා සෑබෑ වුවත් ඊටත් වඩා තිස්සනායගම් ගෙවන වන්දියේ හරයාත්මක වටිනාකම ඉහල යැයි මම සිතමි. ලසන්තගේ මාධ්‍ය ක්‍රියාකාරීත්වය පුවත්පත් කලාවේ සීමාවන් අබිභවා ඔහු සේවය කල පක්ෂයේ අභිලාශයන් හා සම්බන්ද කලේය. එහෙත් තිස්සනායගම්ගේ පුවත්පත් රචනාවන් බද්ධ වූයේ එවන් පටු අරමුණු සඳහා නොව තම හෘද සාක්ෂියටය.

අදිකරණයට ගරු කරන්නට අපට බල කර තිබේ. එය සෑම රටක්ම තම සිය රටවැසියන්ට ලබාදෙන මූලික නෛතික නියෝගයකි. හෘද සාක්ෂිය ක්‍රියාත්මක වන්නේ ඊට පරිබාහිරින් වුවද නියෝගය පිලිපැදිය යුතුය.බ්‍රිතාන්‍යයේ හෝ කැනඩාවේ වේවා, චීනයේ හෝ කියුබාවේ වේවා, සිම්බාබ්වේ හෝ රුවන්ඩාවේ වේවා ඒ ඒ රටවල දේශපාලන යාන්ත්‍රනය සිය රටවැසියන්ට ඒ නියෝගය ලබාදෙනු ලැබේ. එය පිලිපැදිය යුතුය. එහෙත් ඇත්ත නම් බ්‍රිතාන්‍යයේ හෝ කැනඩාවේ අධිකරණ හා සිම්බාබ්වේ හෝ රුවන්ඩාවේ අධිකරණ ක්‍රියාකාරීත්වය තුල යුක්තියේ හා සාධාරණත්වයේ ප්‍රමාණය අහසට පොලොව මෙන් දුරස්ථ බවයි.
---------------------------------------------------------

මට ඇති කනගාටුව නම් තිස්සට මේ දඬුවම ලැබෙන්නේ එක්තරා සමාජ අනුමැතියක් ද සහිතව වීම ගැනයි. තිස්ස රිමාන්ඩ් බාරයට පත් වූදා සිට ඔහු සිරගෙට යැවූ අගෝස්තු 31 වනදා දක්වා මම ඒ ගැන උනන්දුවෙන් පසුවීමි. ඔහු ගැන කතාකරන්නට සියගණක් වූ පත්තර අතරෙන් ඉදිරිපත් වූයේ කීයද? විකල්ප වෙබ් අඩවි, රාවය පමනක් ඒ යුතුකම ඉෂ්ඨ කලේය.

Read the full article written by Chandrarathna Bandara

http://www.lankaenews.com/Sinhala/news.php?id=10241

8 comments:

  1. adooooooooo Kotiyaaaaaaaaaa!!!!!!!!!!!

    ReplyDelete
  2. http://www.lankaenews.com/cartoon/full/83448Sep11_J.jpg

    It's not law but Kings' will.

    ReplyDelete
  3. උබ දන්න ඉටිගෙඩිය මිට වඩා හොදා මම වගේ බයිලා ලිවුවානම්

    ReplyDelete
  4. well isn't it same for Anton Balasingham as well?
    And also for that Tiger police cheif Nadesan

    ReplyDelete
  5. තිස්සනායගම් ගැන වැඩි දෙයක් මම දැන ගෙන හිටියේ නෑ. දැන ගන්න ඕන කෙනෙක්ට මෙන්න ලින්ක් එකක් ඔහුගේ තෝරා ගත්ත ලිපි කිහිපයක.

    http://www.tamilnation.org/forum/tissainayagam/index.htm

    ReplyDelete
  6. චමිල , ස්තුතියි බොහොමත්ම.

    ReplyDelete
  7. thissa dhakShayeki.. ohuta bhaaShaa thunama hAkiya.. eyata eerisiyaa kala chinthana nadayata sambanDha si\nhala hariyata bAri ekek uuta keLaveeya.. mehi Aththea uu kotiyekdha nAdhdha yana prshnyata wadaa. uu mata wadaa honndhata ingirisi liweema gAna Athiwuu iirisiyaavayi... iwara unea thissa hirea dhAmeemeni..

    ReplyDelete
  8. තිස්ස දක්ෂයෙකි.. ඔහුට භාෂා තුනම හැකිය.. එයට ඊරිසියා කල චින්තන නඩයට සම්බන්ධ සිංහල හරියට බැරි එකෙක් ඌට කෙළවීය.. මෙහි ඇත්තේ ඌ කොටියෙක්ද නැද්ද යන ප්‍රශ්න්යට වඩා. ඌ මට වඩා හොඳට ඉන්ගිරිසි ලිවීම ගැන ඇතිවූ ඊරිසියාවයි... ඉවර උනේ තිස්ස හිරේ දැමීමෙනි..

    ReplyDelete